Ministri i Brendshëm, Bledi Çuçi ka komentuar deklaratën e ish-drejtorit të Policisë, Gledis Nano për dekonspirimin e operacioneve, dhënë për një televizion francez disa ditë përpara se ai të shkarkohej nga detyra.
Çuçi tha se do hetohet deklarata dhe rastet nëse ka pasur.
“Padyshim është shqetësuese dhe pjesë e punës të përditshme që ka policia e shtetit. Për deklaratën e ish-drejtorit, kur se di drejtori i përgjithshëm i policisë kur ishte në detyrë, vështirë se do ta dijë ministri. Ne do ta hetojmë, do të thellojmë hetimin.
Do përfshihet dhe ish-drejtori i policisë që ka bërë këtë deklaratë, për të shkuar drejt zbardhjes së të vërtetës.
Për të goditur këdo që dekonspiron nga brenda operacionet e policisë”, tha Çuçi.
