Një lajm i trishtë për familjen e Safet Gjicit! Vëllai i kryetarit të bashkisë së Kukësit ka ndërruar jetë. Lajmin e trishtë e ka bërë publik klubi verilindor i Kukësit, me anë të një postimi në profilin e tyre të rrjetit social “Facebook” duke komunikuar këtë lajm të trishtë dhe duke ngushëlluar presidentin e nderit Safet Gjicin dhe administratorin e klubit Lavdrim Gjici.
‘Ngushëllim. Në emër të stafit teknik, stafit administrativ dhe futbollistëve, FK Kukësi i shpreh ngushëllimet më të sinqerta Presidentit të Nderit, z. Safet Gjici, administratorit të klubit, z. Lavdrim Gjici dhe të afërmve për ndarjen e parakohshme nga jeta të vëllait të tyre. Zoti ju dhëntë forcë për të përballuar këtë dhimbje dhe u prehtë në paqe shpirti i tij,’- shkruan klubi në rrjetet sociale.
