Presidenti i Bjellorusisë, Aleksandar Lukashenko, ka thënë se SHBA-të po e shtyjnë Evropën drejt një konflikti të armatosur me Rusinë në Ukrainë, me qëllimin e dobësimit të Rusisë dhe shkatërrimin e Bjellorusisë.
“Shtetet e Bashkuara po e shtyjnë Evropën drejt konfliktit ushtarak me Rusinë në territorin e Ukrainës. Nuk e fshehin planin e tyre. Janë arritur marrëveshje për vitet në vijim. Qëllimi është dobësimi i Rusisë dhe shkatërrimi i Bjellorusisë”, shtoi Lukashenko.
Lukashenko që është pothuajse lideri i vetëm në botë që mbështet agresionin rus në Ukrainë, dhe ia hapi kufijtë Rusisë për të filluar pushtimin e Ukrainës nga territori i saj dhe stacionoi artilerinë ruse nga e cila bombardonte qytet ukrainase, vazhdimisht propagandon në dobi të Kremlinit dhe mbron fuqishëm vendimet e presidentit rus Vladimir Putin.
