Ushtria kanadeze është mobilizuar pasi uragani “Fiona” la pa energji elektrike qindra, mijëra njerëz në Atlantikun e Kanadasë, ndërsa zyrtarët po përpiqen të vlerësojnë se deri ku janë shtrirë dëmet e shkaktuara. Pasi u ngjit në veri nga Karaibet , “Fiona” doli në breg para agimit të shtunës si një ciklon posttropikal, duke goditur rajonet e Kanadasë të Nova Scotia, Prince Edward Island, Newfoundland dhe Quebec me erëra të forta, shira të dendur dhe dallgë të mëdha.
Ministrja e Mbrojtjes kanadeze Anita Anand tha se trupat kanadeze do të ndihmojnë në heqjen e pemëve të rëna në të gjithë Kanadanë lindore, do të rivendosin lidhjet e transportit dhe do të bëjnë gjithçka tjetër që kërkohet për aq kohë sa duhet.
Uragani “Fiona” ka shkaktuar pesë viktima në Karaibe, ndërsa autoritetet kanadeze nuk raportojnë ende për viktima , ndërsa kanë qenë në kërkim të një gruaje të zhdukur në qytetin më të goditur të Channel-Port Aux Basques në bregun jugor të Neëfoundland.
“Ajo ka të ngjarë të dalë në det, por ne nuk kemi qenë në gjendje ta konfirmojmë këtë,” tha Jolene Garland, një zëdhënëse e Policisë Mbretërore Kanadeze.
Ministri kanadez i Gatishmërisë Emergjente Bill Blair tha se dëmi i shkaktuar nga Fiona nuk ishte parë kurrë më parë dhe do të duhen muaj për të rindërtuar infrastrukturën e shkatërruar.
