Në të gjitha shkollat e Shqipërisë vijon shpërndarja e librave shkollorë. Ministrja e Arsimit dhe Sportit Evis Kushi nëpërmjet një publikimi në rrjete sociale shkruan se: “Këtë vit shkollor vazhdon angazhimi ynë që në arsimin bazë të gjithë nxënësit nga klasa 1-9 të kenë tekstet shkollore falas. Përfitues të kësaj skeme mbështetëse nga Qeveria Shqiptare janë edhe të gjithë nxënësit e kategorive të veçanta në arsimin e mesëm të lartë”.
Znj. Kushi ka shprehur falënderim të veçantë për punonjësit arsimor të cilët janë angazhuar në mbarëvajtjen e procesit të shpërndarjes së librave. “Falënderoj veçanërisht të gjithë mësuesit dhe personelin e shkollave për përkushtimin e tyre në mbarëvajtjen e këtij procesi. Suksese në vitin e ri shkollor të gjithë nxënësve dhe mësuesve!” shkruan ministrja.
Për lehtësinë e prindërve, mësuese dhe vetë nxënësve, shpërndarja e librave po vijon të bëhet sipas një grafiku, i cili ka për qëllim shmangien e radhëve apo grumbullimeve gjatë procesita.
