Burri pas maskës ka një pamje të njohur (dhe një trup të pazakontë…) Zlatan Ibrahimovic vizitoi fëmijët e departamentit të kardiokirurgjisë pediatrike të Poliklinikës San Donato.
Kapele e zezë, bluzë të bardhë, një prani e pazakonshme në skenë e gjigantit suedez. Një gjest i bukur në një moment të veçantë të jetës së Zlatanit, i cili po stërvitet i vetëm për t’u rikuperuar pas operacionit për rindërtimin e kryqëzimit të përparmë të gjurit të majtë.
Fondacioni Gsd e falënderoi në Instagram: “Faleminderit për surprizën e mrekullueshme! Zlatan iu dhuroi pacientëve të vegjël një ditë të paharrueshme”.
Në foto mund të shihni fëmijë dhe të rinj që ngrenë gishtin e madh me Ibrën, një autograf, një foto në grup. Skena që fatmirësisht shihen me një farë frekuence në poliklinikën San Donato.
Tashmë reparti në fjalë ka marrë vizita nga njerëz të famshëm, së fundi edhe nga yje të muzikës si Sfera Ebbasta, Achille Lauro, Aka 7even. Ibra, i cili bën shpesh bamirësi, planifikon të kthehet në fushë në vitin 2023.
