Presidenti i SHBA Joe Biden dhe liderët e vendeve të tjera të industrializuara të G7 do të mbajnë një takim urgjent për të diskutuar situatën në Ukrainë. Udhëheqësve të SHBA-së, Britanisë së Madhe, Francës, Gjermanisë, Italisë, Japonisë dhe Kanadasë do t’u bashkohet edhe Presidenti ukrainas Volodymyr Zelensky.
Zelensky pritet të kërkojë më shumë ndihmë ushtarake, me Ukrainën që kërkon në mënyrë specifike për më shumë sisteme të mbrojtjes ajrore në dritën e sulmeve me raketa dhe dron gjatë kësaj jave. Në vazhdim të takimit, Franca ka thënë se liderët e G7-s ka të ngjarë të lëshojnë gjithashtu një deklaratë për Bjellorusinë aleate të Rusisë, duke paralajmëruar udhëheqësin e vendit Alexander Lukashenko që të qëndrojë jashtë konfliktit.
