Lazio ka fituar 4-0 me Spezian në javën e tetë të Serisë A. Djemtë e Sarrit kanë vulosur gjithçka qysh në 24 minutat e para të ndeshjes, teksa gjetën dy gola me Zaccagnin dhe Romagnolin.
Në pjesën e dytë ka qenë serbi Milinkovic-Savic që ka shënuar dopietë në minutat 61 dhe 91.
Në golin e dytë ka qenë një asist i Hysaj që u konkretizua nga mesfushori.
Shkodrani u fut në lojë në minutën e 64 duke zëvendësuar Lazzarin.
Me 17 pikë pas tetë ndeshjeve, Lazio ndan vendin e dytë me Atalantën dhe Milan, teksa qëndron tre pikë pas kreut që mbahet nga Napoli.
