Rikthehet në detyrë si nënkomisare pranë sektorit të Krimit Ekonomik në drejtorinë e policisë së Elbasanit Anisa Kostani. Efektivja e Policisë u pezullua nga detyra më 19 gusht, pasi deklaratat dhe reagimet e saj në rrjetet sociale bënë bujë, teksa fyente dhe kërcënonte gazetarët e kronikës së zezë, pas një vrasje që ndodhi në qytetin e Elbasanit.
Ajo akuzoi gazetarët që shkruajnë keq për Policinë e Elbasanit se e kanë marrë provimin prej “profesorëve Don Zhuanë”. Kostani është rikthyer të premten në detyrën që mbante më parë. Më herët, efektivja seksi ishte bërë e famshme në media pas një interviste ku tregonte se mbante në shtëpi një gjarpër.
