Futbolli kolumbian në zi.
Andres Balanta ka ndërruar jetë papritur në moshën 22-vjeçare. Qendërmbrojtësi konsiderohej gjerësisht si një perspektivë e shkëlqyer dhe vitin e kaluar ai fitoi titullin me Deportivo Kali, dhe aktualisht ishte i huazuar te skuadra argjentinase Atletiko Tukuman. Balanta u rrëzua papritur përtokë pa ndjenja ditën e djeshme teksa stërvitej me skuadrën e tij, dhe më pas u dërgua me urgjencë në spital, por pa mundur dot që ta shpëtonin. Një lajm i trishtë ky për futbollin kolumbian e në tërësi.
