Nga Kimete Berisha
Kërcënon me ‘vetëvrasje’, sepse e di se nuk e lejojnë!
Në emër të Babait,
një deputet i Albin Kurtit – Borrelin e quan Vorr-el.
Demek – i vdekur.
Të jesh i vdekur në varr…për deputetët e Vetëvendosjes është e turpshme.
Varri është dështim jetësor.
Je askushi nëse je i vdekur…
si Adem Jashari, si Nëna Terezë, si fëmijët e masakruar, si Profeti Muhamed, duke e pritur Kijametin – është kaq askushi i vdekuri në varr
– për Myfail Bajqinovcin.
Është turp dhe papjekuri të jesh në varr, kur ti mund të jesh i gjallë në pushtetin e pëshurrtë të Albin Kurtit.
– Një burrë me fustan të bardhë, deputeti Artan Abrashi, në emrin e Allahut tha se Albin Kurti është më i fuqishëm se arma e ftohtë dhe arma e zjarrtë.
Është edhe më i rrezikshëm se shpata e Profetit.
Tha: ‘Edhe sikur Evropa dhe Amerika ta detyronin me pendrek dhe me revole, Albin Kurti nuk do të lëshonte pe…për targa’.
Artan Abrashi është i magjepsur me Albin Kurtin, e përshkruan si Xhulieta – Romeon,
anipse Albin Kurti nuk është mysliman ai Artani, Albini pranon që burrat të dashurohen mes vetes, kurse Artan Abrashi është kundër që ta adhurojē dikë tjetër (Albinin) përveç Zotit.
E ka të ndaluar me fe ta adhurojë Albinin…
por, dashuria nuk pyet për Zot, sepse dashuria Zot është vet.
Artan Abrashi, pra, e di mirë se Albin Kurtit as me pendrek e as me allti nuk mund t’ia ndryshojë bindjen për Kodin Civil (martesat mes burrave) dhe prap se prap haxhi Artan Abrashi e lë Zotin, për Albinin, e adhuron Albin Kurtin, si profetin Muhamed,
i cili momentalisht ndodhet në varr, që sipas Myfail
Bajqinovcit, është turp që është në varr, kur do të mund të ishte i gjallë, si Myfaili.
– Derisa deputetët e Vetëvendosjes garojnë mes vete se cili e adhuron më shumë Albin Kurtin,
Albin Kurti është duke ia numëruar orët Evropës..si ata mafiozët kur e kurdisin fitilin e bombës.
edhe pak orë kanë mbetur para se t’ia nis luftës Albin Kurti.
Kush ka për të luftuar?
Me kë?
Për çka?
Për targa?
Apo për t’i shëruar komplekset e Albin Kurtit!
NATO, Amerika dhe Evropa, janë çuar në këmbë për ta bërë të ndjehet mashkull Albin Kurti.
– Atmosfera është kjo:
Amerika dhe Evropa po e lusin Albin Kurtin që të mos e kall Kosovën.
Gilipter po, por Neron.
Albin Kurti po ua numëron dakikat.
E ka kidnapuar Kosovën dhe po e kushtëzon Evropën që Borreli t’i kërkojë falje Albin Kurtit pse Evropa është kundër Evropës.
Nuk ka durim të flas me Evropën, prandaj Albin Kurti e ka angazhuar (pa pagesë), Amerikën që të flas me Borrelin në emrin e tij.
Borreli duhet t’i kërkojë falje Albin Kurtit (që ka guxuar të mendojë), për t’u qetësuar Presidentja.
Kur qetësohet Presidentja, pastaj, kollaj ia bën Amerika…!
Ama, Borreli nuk po flet, sepse Amerika nuk di si të flas me ata që Albin Kurti i shpall të vdekur për së gjalli.
Varri nuk flet, as kur i mban dy ora dore me vete, si Borreli, për ta matur kohën që nuk ekziston.
I vdekuri nuk mund t’i flas Albinit, anipse Albini mund të dëgjojë, kurse Albini mund t’i flas të vdekurit, por i vdekuri nuk mund t’i përgjigjet.
Situata nuk është e komplikuar, por është e çmendur.
Albin Kurti e di se Amerika nuk e lejon ta kall Kosovën, prandaj kërcënon me ‘vetëvrasje’.
Ndodh që Amerika nuk të pengon ta ‘mbysësh’ veten.
Ajo ditë ndodh – Nesër.
P.S. Një i vdekur i imi, e pashë mbrëmë në gjumë, aspak nuk ishte i kënaqur me gjestet e mia.
U mundova ta bind se jam e pafajshme por kot.
Kur e pashë që e ktheu shpinën, për t’u kthyer në varrin e tij, e përcolla me këto vargje:
1. A është Sarajeva aty ku ka qenë dikur,
2. Apo zemrës sime i duket gabim,
3. A është shtetur uji i Milackës,
4. Nana ime a është shëruar,
5. I dashuri a më ka lënë.
