Ministrja e Shëndetësisë, Ogerta Manastirliu, ka vizituar Spitalin e Traumës në këtë ditë të ndërrimit të viteve, për gatishmërinë e përforcuar të ekipeve mjekësore.
Mirëpo, ajo është përballur me një surprizë të kthyer në traditë tani, pasi bluzat e bardha e kanë befasuar me një buqetë me lule. Kjo pasi Manastirliu feston sot ditëlindjen e saj.
“Shumë faleminderit, e vlerësoj shumë. Është gjithmonë një surprizë e bukur. Unë për të thënë të vërtetën e kam për kënaqësi që më uroni për ditëlindje dhe sinqerisht urimet më të mira që ju më jeni, t’jua jap mbrapsht për të thënë që do bëjmë akoma më shumë që ju të keni kushte më të mira pune”, u shpreh ajo ndër të tjera e surprizuar.
