Një tërmet me magnitudë 4.3 të shkallës Rihter është regjistruar në orën 17:28 ( me orën lokale) në Evia, Greqi. Sipas Institutit Gjeodinamik, tërmeti ishte me thellësi 13.5 km ndërsa vendndodhja është 8 km në juglindje të fshatit Zarakes në Evia Jugore. Pas tërmetit të parë, në të njëjtën zonë, rreth 15 minuta më vonë, kanë ndodhur pasgoditje më të vogla. Sipas vlerësimeve, tërmeti i regjistruar pasditen e së mërkurës mund të jetë pjesë e sekuencës postsizmike pas tërmetit të fortë prej 5 Rihter në Evia rreth dy javë më parë.
