Presidenti i SHBA-së Joe Biden është shprehur i emocionuar që do të takojë homologun e tij ukrainas, Volodymyr Zelensky. Ai pritet të mbërrijë ditën e sotme në Uashington. Zelensky do të takohet me Biden, ku dyshja ka shumë për të diskutuar, tha Biden, përpara se të mbajë një konferencë për shtyp në Shtëpinë e Bardhë. Biden pritet të miratojë paketën e re të ndihmës prej gati 2 miliardë dollarësh për Ukrainën, duke përfshirë sistemet raketore Patriot.
