Pothuajse një muaj pasi Argjentina u shpall kampione e botës për herë të tretë në historinë e saj, anekdotat e ndodhura gjatë festës vazhdojnë të shfaqen. Një nga protagonistët e atyre momenteve festive ishte Kun Agüero, i cili e jetoi triumfin në “Katar 2022” sikur të ishte pjesë e kombëtares argjentinase. Gjatë një lidhjeje në Twitch me ish-futbollistin Carlos Alfaro Moreno, ai tregoi një anekdotë qesharake që ndodhi në të njëjtën lëndinë, në stadiumin “Lusail”, pas finales dramatike ndaj Francës më 18 dhjetor. Ai e vendosi Messin mbi shpatulla si imazhi ikonik i Maradonës më 1986. Kun kujton çfarë ndodhi: “I thashë Messit që, nëse dëshiron, do të të marr dhe do të bëj xhiron olimpike. Mendova se ishte 15 metra, jo e gjithë xhiroja olimpike, sepse nëse do ta bëja të plotë ma thyente kurrizin. Në një moment shkuam në cep të fushës dhe e i thashë se është koha të zbresësh, sepse m’i sakatove supet. Vazhduam edhe disa metra dhe kuptova se po më dhembte shpina”.
