Fanella me numrin 10 do të jetë e lirë për t’u përdorur nga lojtarët e skuadrës braziliane Santos pavarësisht supozimeve se mund të tërhiqej nga përdorimi pas vdekjes së legjendarit Pele.
Kanë qenë vetë familjarët e tij ata të cilët kanë propozuar që fanella me numrin 10 të mos përdorej më në shenjë respekti ndaj legjendës Pele që ndërroi jetë pak ditë më parë.
Presidenti i klubit të Santosit Andrés Rueda kishte pezulluar përkohësisht përdorimin e fanellës, ndërsa priste që vendimi të votohej nga këshilli i klubit. Por në orët e fundit ka dalë një intervistë e vetë Peles i cili pretendonte se ishte kundër tërheqjes së fanellës.
Për këtë arsye, president ii Santosit është tërhequr nga qëndrimi i tij i mëparshëm duke deklaruar se fanella me numrin 10 do të mbetej në dispozicion të lojtarëve të skuadrës braziliane.
