Kreu i Grupit Parlamentar i PS, Taulant Balla deklaroi se është e pavërtetë që kryeministri Edi Rama ka kritikuar për performancën ministren e Jashtme, Olta Xhaçka.
Balla tha se Xhaçka ka një prezencë të vazhdueshme dhe se nuk është e vërtetë ajo që thuhet në media.
“S’është aspak e vërtetë, për t’ju referuar të gjithë atyre thashethemeve që po qarkullojnë. Zonja Xhaçka ka prezencë të vazhdueshme.
Nuk është apsak e vërtetë kjo gjë. Ajo që ka thënë kryetari i PS dhe kryeministri Rama është dicka qe nuk e kthen, dhe nuk e ka thënë vetëm sot, është që secili duhet të bëjë punën e vet” tha Balla.
Kujtojmë që pak minuta më parë në media qarkulloi lajmi se Rama ka kritikuar Xhaçën për performancës e saj në Parlament, ndërsa ka vlerësuar ministren Elisa Spiropali. Mirëpo Balla i ka mohuar lajmet duke thënë se nuk është e vërtetë dhe se Xhaçka ka një prezencë të vazhdueshme.
