Skiatorja shqiptare Lara Colturi ka marrë një tjetër medalje ari në Botërorin e 18-vjeçarëve. Italiania e natyralizuar ia doli të renditej e para në ‘Giant Slalom’, ndërsa në renditjen e përgjithshme u pozicionua e treta.
Kjo ishte edhe gara e fundit e Lara Colturit në Botërorin e të rinjve në Austri pasi 16-vjeçarja do të zhvendoset në Kronplatz për etapën e rradhës në Botërorin e të rriturve. Kështu mbyllet një aventurë e jashtëzakonshme me 3 medalje ari në U-18 dhe 1 medalje ari e 1 bronxi në klasifikimet e përgjithshme.
