Një nxënës i shkollës së mesme në Francë me thikë për vdekje një mësuese spanjolle në një shkollë në qytetin francez të Saint-Jean-de-Luz. Ngjarja e rëndë ka ndodhur mëngjesin e ditës së sotme. Autoritetet kanë konfirmuar se policia është në vendngjarje për të hetuar rrethanat e plota të krimit. Ndërkohë nxënësi është arrestuar. Mësuesja ishte në të pesëdhjetat e saj dhe vdiq nga arresti kardiak kur shërbimet e urgjencës mbërritën në vendngjarje, shkruan BBC.
Gazeta franceze Sud Ouest tha se sulmuesi hyri në klasë ndërsa mësuesja spanjolle po jepte mësim dhe e sulmoi atë. Për ngjarjen reagoi edhe ministri francez i Arsimit, Pap Ndiaye i cili u nis menjëherë në vendin e ngjarjes.
