Këngëtari Luiz Ejlli po kthehet në një fenomen për publikun për lojën që po bën brenda shtëpisë së “Big Brother Vip”.
Ai ka fituar shumë shpejt simpatinë e publikut, duke fituar mijëra fansa të cilët po e mbështesin në forma nga më të ndryshmet.
Por, fama dhe emri i Luizit po përdoret dhe nga shumë biznese për t’ju bërë marketing produkteve të tyre. Së fundmi, një person ka përdorur emrin e Luizit që të shesë më shpejt apo më shtrenjt apartamentin e tij.
Në rrjet po qarkullon një njoftim ku shkruhet: “Shitet apartament 2+1 i mobiluar. Komshi me Luiz Ejllin. 450 000 euro.” ku është vënë dhe numri i telefonit për kontakt.
Prej ditësh Luizi është bërë kryefjalë e shqiptarëve jo vetëm atyre që jetojnë në vendin tonë, por edhe të emigrantëve shqiptarë kudo në botë.
Madje njëri prej tyre që jeton në USA tha në një emision të pasdites në TCH se është gati t’u blejë një apartament Kiarës dhe Luizit nëse ata do bashkëjetojnë pasi të dalin nga BBV.
