Fakti që makinisti nuk ka ndërruar binarët dhe të dy trenat e përplasur në Greqi përfunduan në të njëjtin binar ishte, mund të ketë sjellë tragjedinë me pasojë vdekjen e 38 personave dhe plagosjen e 85 të tjerëve.
Tragjedia me 36 të vdekur nga përplasja e trenave në Greqi/ Rama: Ndjejmë dhimbjen e fqinjëve të dashur! Begaj: Shqipëria qëndron krah popullit grek
E vetmja gjë që është e sigurt për momentin është se treni i pasagjerëve numër 62 është gjetur në binarin e poshtëm – për në Athinë – në të cilin treni tregtar tashmë po nisej, ndërsa normalisht duhet të ishte në binarin e sipërm – për në Selanik. Sipas indikacioneve të para, aksidenti tragjik me 38 të vdekur duket se i atribuohet gabimit njerëzor, edhe pse kjo mbetet për t’u hetuar.
Vlerësohet se makinisti i stacionit në Larisa nuk ka lëvizur çelësat, përmes të cilëve rregullohet mekanikisht kalimi i trenave në kryqëzime, duke i dërguar dy trenat në të njëjtën linjë. Presidenti i makinistëve të OSE-së në Greqi, z. Kostas Genidounias, tha se nëse do të kishte funksionuar sinjalizimi me dritë, tragjedia mund të ishte shmangur. “Ndodhi që ne kemi bërë thirrje vitet e fundit pasi sistemet elektronike nuk funksionojnë dhe gjithçka bëhet manualisht në aksin Athinë-Selanik.”
