Kryeministri Edi Rama ka reaguar pas humbjes që Shqipëria pësoi në ndeshjen e parë të eleminatoreve të kampionatit Europian kundër Polonisë me shifrat 1-0.
Përmes një postimi në rrjetet sociale Rama ka vlerësuar performacën e kuqezinjve duke pasur besim tek suksesi në të ardhmen.
“Me siguri nuk kuptoj nga futbolli, po kjo Shqipëri që pashë sot ishte një Shqipëri dinjitoze, me vetëbesim, përkushtim e zotësi, e cila meritonte si minimum barazimin në një stadium nga më të zjarrtët e Europës, kundër një Polonie që u gjend në vështirësi nga fillimi në fund, prandaj përgëzime kuqezinjve për këtë debutim shumë premtues dhe kurajo e besim për më tej në rrugëtimin e saponisur”, shkruan kryeministri Edi Rama.
