Presidenti Bajram Begaj do të zhvillojë një vizitë shtetërore në Kroaci, me ftesë të homologut Zoran Milanoviç.
Presidenti Begaj do të niset në Kraci ditën e nesërme, ndërsa më datë 27 ai do të pritet me ceremoni shtetërore, për të vijuar axhendën zyrtare të bisedimeve me Presidentin e Kroacisë, duke u fokusuar tek marrëdhëniet dypalëshe, bashkëpunimi rajonal, rrugëtimi evropian i Shqipërisë, si dhe zhvillimet e tjera me ndikim në çështjet e paqes dhe sigurisë.
Në kuadër të kësaj vizite shtetërore, Begaj do të pritet në takime të veçanta nga Kryeministri i Kroacisë, Andrej Plenkoviç, si dhe Kryetari i Parlamentit të Kroacisë, Gordan Jandrakoviç.
Gjatë qëndrimit në Kroaci, kreu i shtetit do të zhvillojë edhe një takim me përfaqësues të shoqatave shqiptare.
Më 28 prill 2023, nën shoqërinë e mikpritësit, Presidentit të Kroacisë Milanoviç, Presidenti Begaj do të vizitojë e takohet me Arbanasit e Zarës (Zadarit). Vizita do të mbyllet ditën e premte.
