Në një komunikim të drejtëpërdrejtë në një lidhje Skype, ka qenë i ftuar nga gazetarja Rovena Neziri ne faxnews, avokati Spartak Ngjela. Së pari, Ngjela analizon vizitën e të Dërguarit të Posaçëm Gabriel Escobar, vizitë të cilën e sheh si dy mbështetje. Një mbështetje për Alibeajn dhe gjithashtu një mbështetje për SPAK-un. Sakaq, sipas avokatit fakti që Escobar nuk u takua me Berishën, shihet si një qëndrim i SHBA-ve ndaj ish-kryeministrit i cili ka marrë prej kohësh statusin “non grata”.
Ngjela gjithashtu thotë për Berishën, që është një figurë e vdekur, i cili sipas tij edhe deputet u bë vetëm nëpërmjet listës së partisë, duke qenë se nuk mori mjaftueshëm vota. Sa për pyetjen e Nezirit mbi ndërhyrjen e ambasadores për proceset e brendshme të Shqipërisë, avokati thotë se është detyra e saj, si përfaqësuese e drejtëpërdrejtë e Presidentit të SHBA-ve, të njoftojë politikisht se cc’qëndrim mban politikisht Amerika.
Gazetarja: Fillimisht dua të ndalem te vizita e të dërguarit të SHBA-ve për Ballkanin Perëndimor, Gabriel Escobar.Prej dy ditësh ai ka qenë në Tiranën zyrtare. Analizëm së bashku dua ta shohim në dy aspekte, dha më shumë mesazhe politike Escobar apo ishte më shumë një mbështeteje për SPAK vizita e tij?
Spartak Ngjela: Ishte dy mbështeteje, një për SPAK-un që e kanë një vazhdimësi problemin e tij dhe tjetra përkrahja e Alibeajt dhe neglizhoi totalisht Saliun. Se ç’qëndrim do mbajë opinioni publik pas këtij gjesti të shohim, por ata nuk e takojnë më Berishën.
Gazetarja: Nuk qenë vetëm Escobar që ka bërë të qartë qëndrimin e SHBA-ve ndaj z.Berisha, ka qenë dhe ambasadorja me deklaratat e disa jave më parë që janë pasuar me një lumë akuzash dhe nga z.Berisha. Ai thotë që ambasadorja ka prona në Shqipëri, është e korruptuar dhe gjithçka tjetër. A duhet të ketë një hetim sipas mendimit tuaj?
Spartak Ngjela: Si do ta bëjë hetimin, ku i ka provat? Ju merreni me një gënjeshtar që është kthyer në ordiner. Ku i ka provat?! Problemi qëndron a do fillojë ndonjë proces penal Ëashingtoni ndaj tij apo jo. A e dini se çfarë është ambasadorja amerikane në një shtet të huaj? Përfaqësuesja direkte e Presidentit të Amerikës. Nuk merren ata me atë, është një njeri i vdekur. Ky çfarë flet? E kuptoni që është jashte sensit logjik të një politikani modern evropian, flet si Enver Hoxha. Problemi është që edhe ai e di që ata s’ia varin.
Gazetarja: Ndërhyn më shumë sa nga duhet ambasadorja në proceset e brendshme të Shqipërisë, ku thotë që nuk duhen votuar personat “non grata”?
Spartak Ngjela: Po sigurisht, ajo të njofton politikisht se ç’qëndrim mban Amerika për ju që votoni “non gratin” tonë. Po nuk voton njeri për atë, ai nuk doli deputet me vota, doli me listën e partisë. Ku ka ai përkrahje?! Flet budallallëqe kundër interesit kombëtar. Marrëdhënia e Shqipërisë me SHBA-në është interes kombëtar i rëndësishëm. Si e mendoni ju, ka dhënë një shtet andej, apo e dini Kosovën Serbi akoma. Ndaloi gjenocidin banal të Milloshevicit. Po ky pse flet kështu? Pyeteni, për kë luan për Shqipërinë apo për kundërshtarët e saj? Nuk mund të jesh kot “non grata” në Amerikë. E patë Trumpin që doli para jurisë. Duhet të rrijë mirë, se e ekstradojnë.
