Shtetet e Bashkuara të Amerikës janë të qëndrimit se i takon vetë presidentit ukrainas, Volodymyr Zelensky të vendosë se kur do të negociojë me Rusinë dhe për çfarë do të negociojë.
“Presidenti Zelensky mund të përcaktojë nëse dhe kur është i gatshëm të negociojë dhe në çfarë konteksti dhe për çfarë,”- u shpreh John Kirby zëdhënësi i këshillit të sigurisë kombëtare të SHBA-ve.
I pyetur nëse mund të ketë negocime sa i takon Krimesë, Kirby tha se kjo gjë varej vetëm nga Zelensky.
