Kryeministri Edi Rama ka publikuar në rrjetet sociale fotot e një projekti që sipas tij do të transformojnë qytetin e Shkodrës.
Bëhet fjalë për krijimin e një parku multifunksional buzë Bunës, projek ky që u prezantua më herët dhe nga kandidati socialist për këtë bashki, Benet Beci.
“Projekti përfshin krijimin e një parku multifunksional buzë Bunës, me një hapësirë prej 18 hektarësh; portin pranë Urës së Bunës si një pol i ri turistik, si dhe ngritjen e një muzeu që do të nxjerrë në pah vlerat historike të Shkodrës.
Ky projekt gjithashtu do të ketë impakt të lartë edhe në lehtësimin e qarkullimit dhe reduktimin e trafikut në qytet, pasi parashikon zgjerimin e rrugës nga Harku i Bërdicës tek Ura e Bahçallëkut përfshirë dhe zgjerimin e urës në katër korsi”, shkruan Rama krah fotove të projektit.
