Shefi i propagandës së Sali Berishës, Alfred Lela, ka fantazuar vrasjen e Edi Ramës nga mjekët.
Ai ka postuar një fotomontazh me dy foto në Facebook, në njërën prej të cilave është një sekuencë e një filmi, ndërsa poshtë saj është një fotografi e disa mjekëve shqiptarë, mes të cilëve Profesor Arben Gjata, të cilët kryen ndërhyrjen kirurgjikale për heqjen e apendicitit të kryeministrit Rama dy ditë më parë.
Lela e shoqëron fotomontazhin me diçiturën: “Vrasja e Kennedy: Një mjek, Apendisiti i Ramës: Pesë.”
Kryeministri Rama iu nënshtrua një ndërhyrjeje kirurgjikale për heqjen e appendicitit dy ditë më parë në QSUT.
Ndërhyrja u krye nga një ekip mjekësh të QSUT-të të drejtuar nga Profesor Arben Gjata. Kreu i qeverisë shkroi një ditë më pas se ndihej mirë dhe se kishte shkuar në shtëpi ku do vijonte riaftësimin.
Mbrëmjen e 17 prillit, kryeministri Edi Rama shkoi me urgjencë në spital dhe pas kryerjes së disa testeve imazherike, u diagnostikua me appendisit akut, ndaj duhet t’i nënshtrohej me urgjencë operacionit që rezultoi i suksesshëm./Hashtag.al
