Nga Kreshnik Spahiu
Kemi 33 vite që dëgjojmë një melodi sa herë që humbet opozita. Të gjithë ata që duan të shpëtojnë bythën e Berishës dalin dhe sugjerojnë: “Berisha të hap portat”. A thua se ky i fundit ka çelsat e parajsës dhe njerzit po presin në rradhë të hyn në ishullin e thesarit. Ata harrojnë që askush nuk i afrohet tashmë greminës ku ka përfunduar ajo çetë. Ajo duhet të uli qepenat dhe ta mbyll dyqanin e falimentuar se nuk futet askush brenda…..
Në 1990 ajo u krijua me përbërjen e studentve, intelektualve, të rinjve dhe qytetarve por që i largoi të gjithë Berisha. Disa analistë pasi u njohën me rezultatin fatal të 14 Maj bënë thirrje që Berisha të hapet. Po Berisha sapo përfundoj rithemelimin dhe gjoja u hap. Çfarë hapje tjetër duhet bëjë?
Ata janë shqetësuar që Tirana, Durrësi, Shkodra, Kujsesi, Tropoja, Kamza apo Elbasani dhe bastionet që e krijuan dje e kafshuan Berishën.
Po pse teoria e tyre për hapje nuk funksionon:
– Rinia aty ishte dhe e largoi Berisha nga partia,
– Studentët aty ishin dhe i largoi Berisha nga partia,
– Tirona aty ishte dhe e largoi Berisha nga partia,
– Qytetet aty ishin por i fshatarizoi Berisha
– Të burgosurit aty ishin por i zëvendësoi me komunistë,
– Pronarët aty ishin por i shpronsoi Berisha.
– Intelektualët aty ishin por i largoi,
– Diplomatët perendimorë aty ishin por ju shpalli luftë Berisha.
Të gjithë i largoi Berisha dhe u bë parti:
– E mbyllur dhe izoluar
– anti-amerikane dhe anti-perendimore
– Provinciale dhe mediokre
– Jo rinore dhe e vjetëruar
Teoricienët e “hapjes” harrojnë që mijëra studentë, të rinj, qytetarë, intelektual, nuk u larguan vetë por u detyruan të distancoheshin nga Berisha dhe politika e tij. Teoria e tyre që fati opozitës varet nga çelsi i portave të Berishës është komike. Berisha ka afro 20 vjet që vetëm shton numrin e çelsave dhe dyerve hermetike me kangjellla në bunkerin e tij. Kur humbet izolohet më shumë dhe nuk hapet nga frika se ja marrin. Këta ideologët e hapjes mendojnë se rinia po pret në radhë, që të hapi dyert Berisha dhe të hyn me vrap brenda në llumin e provincialve në oborrin e SHQUP. Kjo është tezë shumë e konsumuar.
Tirana e fundosi Berishën me 200.000 vota kundër tij.
Partia e Berishës është Titanik i ndryshkur që vetëm kapiteni plak dhe 5 orkestratë kanë mbetur që i bien violinës se mos dëgjohet paniku i turmës që po largohet dhe po hidhen në barka të tjera.
Muzikantët e Saliut mund ti japin këshillën e fundit Berishës, që ai të marr një gomone dhe të shpëtoj kokën sepse anija e tij po fundoset mes Atlantikut dhe shumë larg brigjeve amerikane.
Aizbergu i votave ishte vdekjeprurës dhe ska marangoz që ja mbyll vrimat të cilat janë hapur nga dallgët e oqeanit. Hapja e dyerve të anijes që po zhytet nuk e shpëton nga mbytja.
Këshilla që duhet dhënë pasagjerve të “Titanikut” është të mbijetojnë mes dallgëve deri sa të afrohet në oqean një anije e re….. Berisha duhet të mbyll portat se do i largohen edhe ato 10 kokrra që i kanë ngel pas. Lëreni të mbytet dhe ta marr me vete në botën tjetër barkën e tij të shpuar dhe që është katandisur më e vogël se autobusi falas i Belos.
