Nga Spartak Ngjela
Ambasadorja Yuri Kim ka rreth tre vjet që na ka treguar një inteligjencë të lartë në aktivitetin e saj diplomatik në Tiranë.
Por ajo dha një shfaqeje teatrale me shumë art dramatik.
Ambasadorja vizitoi Tropojën, dhe atje ajo u prit si një personalitet që e adhuronte Tropoja.Saliun, për gënjeshtrat e rëndomta kundër saj, nuk e paska besuar as Tropoja!!
Sigurisht.
Kanë qenë gënjeshtra të rëndomta dhe fyese për opinionin publik në Shqipëri.
Saliu është ende në nivelin provincial; që ecën sipas motivit primitiv: po e shava me gënjeshtra në publik kundërshtarin tim, unë vet krijoj qetësi shpirtërore.
Kurse akti që bëri ambasadorja, ishte një skeç teatral me nëntekst të thellë moral.
Ja, unë jam në Tropojë, tha ambasadorja e qeshur – çfarë duhet më shumë për Saliun?
Ka qenë një lëvizje e menduar si në një komedi me nivel.
Gënjeshtrat e një lideri, të kuptuara nga opinioni publik, krijojnë fillimisht një të qeshur nga komedia duke vënë në lojë gënjeshtarin, por, pas kësaj, opinioni publik kalon në neveri për ata liderë që janë vënë në lojë.
Dhe duhet theksuar që ambasadorja Yuri Kim e luajti shumë bukur rolin, sepse nëntekstin, si tallje me Saliun gjatë asaj vizite, e kuptoi e gjithë audienca televizive.
