Erion Veliaj ka arritur një fitore të thellë në Tiranë, madje dhe në Astir dhe tek “5 Maji”, ku opozita ka organizuar protesta të vazhdueshme. Kjo ka irrituar anëtaren e shtabit të Belind Këlliçit, Adriana Kalanë, e cila me një gjuhë fyese dhe denigruese, ka mallkuar banorët e “5 Majit” dhe Astirit.
“Një urim kam për të gjithë ata që e shitën votën apo votuan Veliajn. Ju shkoftë për qokë me fadromë, natën te pragu i shtëpisë e i nxjerrtë fëmijët jashtë në gaz lotsjellës”, shkruan Adriana Kalaja në rrjete sociale.
Pak kohë më parë u bë virale deklarata e Adriana Kalasë e cila tha se do i vërë tritolin Tiranës.
