Në vitin 1897, një burrë i quajtur Erasmus ‘Edard’ Shue u dënua për vrasjen e bashkëshortes së tij Zona, por mënyra sesi u dënua ishte disi e pazakontë.
Sipas dëshmive nga e kaluara, më 23 janar bashkëshortja e Erasmus u gjet nga një djalë i pastrehë.
Zona ishte gjetur në një pozicion të mbledhur e të dhimbshëm në fund të shkalles se baneses. Djali kishte kërkuar ndihmë por para se të vinte mjeku zyrtar Dr. George Knapp, bashkëshorti i saj Erasmus ishte kthyer në shtëpi dhe kishte vendosur Zona në krevatin e tyre.
Ajo ishte veshur me një fustan të madh deri lart në qafë, dhe ishte lënë në krevat, teksa bashkëshorti priste të vinte ekzaminuesi mjekësor.
Doktori nisi të inspektonte trupi e Zona ndërsa Erasmus nisi të panikosej. Kjo bëri që mjeku të ndalonte ekzaminimin e tij dhe vendosi se vdekja kishte ardhur nga shkaqe natyrale.
Çështja u mbyll këtu dhe një funeral me arkivol të hapur u mbajt që të afërmit t’i jepnin lamtumirë gruas. Por kur erdhi radha e tij për t’i dhënë lamtumirën, Erasmus bëri përsëri të njëjtën gjë.
Njerëzit panë se kësaj radhe qafa e Zona-s së ndjerës ishte mbuluar me një shall, ndërsa Erasmus vijonte të ishte gjithnjë e më i nervozuar.
Njerzit asokohe besonin se sjella e burrit vinte nga ankthi i vdekjes apo nga dhibmja.
Zona u varros një ditë më pas në varrëzën kristiane të qytezës.
I vetmi person që kishte dyshime ndaj Erasmus, ishte nëna e Zona, Mary Jane Heaster.
Mary gjithmonë nuk kishte pasur besim te Erasmus, prandaj ajo lutej që të mësohej e vërteta për atë që kishte ndodhur me bijën e saj.
Dhe për fat kjo ndodhi.
Mary tregon më pas se fantazma e bijës së saj i doli përpara dhe i tregoi atë që kishte vuajtur në duart e bashkëshortit.
Fantazma e të bijës i shpjegoi se gjatë një debati për darkën, Zona ishte mbytur nga bashkëshorti që i kishte thyer qafën, madje i tregonte se si mund të ulte kokën prapa prej thyerjes.
Mary kërkoi rihapjen e cështjes dhe prokurori John Preston kishte pranuar.
Hetimet sollën zhvarrosjen e trupi të Zona, ku u zbulua dhe thyerja siç tregohej në fjalët e fantazmës.
Duke hetuar të kaluarën e Erasmus u mesua se ai kishte precedentë dhune dhe një bashkëshorte tjetër e tij kishte vdekur në rrethana misterioze.
Mary gjithashtu dëshmoi në gjyq sesi fantazma e të bijës i kishte treguar gjithçka saktësisht dhe kjo kishte sjellë hetimin e çështjes.
Erasmus u dënua me burgim të përjetshëm në burgun shtetëror, në rastin e parë në histori ku u mor në konsideratë dëshmia e një fantazme, sipas arkivave në SHBA.
