Ish-kreu i PD, Lulzim Basha ndodhet në Hollandë, ku ka marrë pjesë në ceremoninë e pritjes për ish-studentët e Universitetit Utrehtit.
Basha ka ndarë një foto me bashkëshorten e tij, Aurelën, teksa shkruan se ka plot emocione dhe kutime të bukura me këtë rikthim në universitet.
“Plot emocion dhe kujtime të bukura rikthimi bashkë me Aurelën në Universitetin e Utrehtit. Me ftesë të Rektorit morëm pjesë në pritjen për ish-studentët, një traditë e veçantë e universitetit, që na bashkon me miq dhe kolegë të rinj dhe të vjetër, në një vëllazëri njerëzore e profesionale! #alumniuu #sharingdays”, shkruan Basha.
Kujtojmë që Lulzim Basha dhe Aurela, universitetin e kanë kryer në Hollandë, ku edhe kanë nisur lidhjen e tyre që më pas u kurorëzua në martesë, ndërsa sot kanë dy vajza.
