Ish kryenegociatorja e dialogut Kosovë-Serbi, Edita Tahiri ka treguar sot në Top Story se ku gaboi Albin Kurti për situatën në veri, që detyroi ndërkombëtarët t’i dilnin kundër.
Tahiri tha se zgjedhjet e mbajtura në komunat e Kosovës, pavarësisht se morën aprovimin nga ndërkombëtarët, Kurti shkeli kushtin, që zgjedhjet të ishin teknike dhe jo politike.
“Kosova e plotë pa veriun nuk ka asnjë interes, fuqia e Kosovës është te veriu. Janë dy arsye strategjike që nuk kam mundësi t’ja u them. Janë disa kontekste gjeostrategjike që nuk lidhen as me Kosovën, as me Serbinë, as me Ballkanin, janë përtej. Loja e Albinit për të ruajtur agjendën populiste në veri, Vuçiçi e përdori në mënyrë djallëzore, tërhoqi minoritetin serb nga institucionet e Serbisë.
Në veri nuk ka pasur pika kufitare, un arrita marrëveshjen me të cilën u vunë kufijtë. Vuçiçi e la me bojkot. Kurti vazhdoi duke iluzione për ata që kandiduan për kryetar komune. Amerika dhe BE i dhanë përkrahje se ishin legale, por ato dolën joligjiteme, shpesh analistët thonë pse kur amerikanët i përkrahën zgjedhjet, çfarë ndodhi.
Amerikanët thanë le të hynë kryetarët e zgjedhur edhe në ato kushte, por në mënyrë teknike, jo politike. Të vazhdonin punën pa manifestim politik, kjo ishte shkelja e parë që ia bëri Albini amerikanëve. Në vend se të thotë kërkoj falje që hyrjen teknike e bëra politike, ai i fsheh gjëra. Kjo nervozoi amerikanët dhe për herë të parë ndodhin ndëshkimet. Në 1992 Kosova vulosi aleancën me Amerikën, kur Bush doli me politikën e kërcënimit ndaj Millosheviçit. Po të mos ishte përkrahja e tyre nuk do vinim në këtë ditë”-tha ish-kryeministrja e Kosovës.
Tahiri tha se Albin Kurti gabon me gjuhën e ashpër ndaj palës së tretë negociatore mes Kosovës dhe Serbisë.
“Nga aspekti negociator një shtet si palë nëse ankohet te pala e tretë se po e përkrah palën tjetër është dobësi. Shteti duhet të ketë aftësi të punojë me palën e tretë, janë mënyra diplomatike kur ka vërejtje. Kjo tregon vogëlsinë e shtetit, s’ka aftësi të mbrojë dinjitetin e shtetit. Kur je palë duhet të kesh integritetet jo kërkesa si fëmijë. Nëse ndërmjetësuesi e mbështesin Serbinë, kanë interesat e tyre, aftësia duhet të jetë të kthesh interesat e shtetit tënd.”-u shpreh Edita Tahiri.
