Komisioni i Ankimimeve dhe Sanksioneve ka rrëzuar kërkesën e koalicionit ‘Bashkë Fitojmë’ për shpalljen e pavlefshme të zgjedhjeve në Kamëz pas rinumërimit elektronik të 3 qendrave të votimit në seancat e shkuara ku rezultati nuk ndryshoi.
Gjithashtu u rrëzuan edhe kërkesat e tjera ku ankimuesit e Bashkë Fitojmë kërkonin ekspertë të huaj për shqyrtimin e funksionimit të pajisjeve elektronike nga ekspertë të huaj, krahasimi i rezultatit elektronik me atë fizik si dhe hapja e kamerave të sigurisë.
Ditën e djeshme KAS rrëzoi kërkesën e BF për shpalljen e pavlefshme të procesit të votimit në burgun e Rrogozhinës që sipas tyre i ka dhënë fitoren kandidatit të PS, Edison Memolla. ndërsa pas rinumërimit të kutive për bashkinë e Ballshit, u shpall fitues kandidati i PS, duke thelluar edhe më shumë diferencën e rezultatit krahasuar me atë të pas zgjedhjeve të 14 majit të shpallur nga KQZ.
