Këngëtari i njohur Luiz Ejlli është kthyer në një nga personazhet më të kërkuar në Shqipëri, Kosovë dhe jashtë vendit. Së fundmi ai ka njoftuar se do të jetë pjesë e një turi koncertesh që do të mbahen në disa shtete të ndryshme nga data 9 deri me datën 19 qershor. Se fundmi ai ka njoftuar se së bashku me disa artistë shqiptarë, përfshirë edhe Mozzik, Luizi do kënaqë shqiptarët në Amerikë me zërin e tij. E për ta reklamuar mbërritjen e tij, posteri është shfaqur në ‘Times Square’ në Neë York.
Më herët u bë me dije se këngëtari do të fillojë turin e tij në SHBA ku dhe do të këndonte së bashku me Mozzikun. Mirëpo si duket Luizi do të udhëtojë i vetëm drejt Shteteve të Bashkuara të Amerikës, pasi Mozzik, nuk do të marrë pjesë në koncertet e lajmëruara më herët. Përmes një postimi në rrjetet sociale ka qenë vetë reperi i cili ka bërë me dije se se shkak për këtë vendim është bërë fakti se nuk ka mundur të pajiset me vizë për të udhëtuar drejt SHBA-ve.
“Njoftoj gjithë fansat që jetojnë në Amerikë, që unë nuk do jem prezent në asnjërin koncert që janë paraparë. Arsyeja është që nuk patëm fatin dhe kohën të pajisemi me vizë pune ashtu si thonë rregullat amerikane”, shkruan ai. Ndërkohë, më herët faqja e cila ka organizuar turin e artistëve në SHBA, hoqi edhe emrin e Kiarës nga lista e të ftuarëve speciale, dhe kjo lëvizje ka bërë fansat të mendojnë se mos ndoshta edhe moderatores i është refuzuar viza.
