Rreth 33 mijë maturantë zhvillojnë sot provimin e fundit të Maturës Shtetërore, atë të lëndës me zgjedhje.
Provimi i lëndës me zgjedhje nis në orën 10:00 dhe përfundon në orën 12:30.
Këtë vit për herë të parë MAS ka hartuar teste të veçanta për rreth 170 nxënës me aftësi ndryshe.
Në 1 qershor maturantët kryen provimin e gjuhës së huaj, më 7 qershor gjuhën shqipe dhe letërsinë dhe më 13 qershor matematikën.
Deri tani kanë dalë rezultatet e provimit të gjuhës së huaj, ku kalueshmëria është 96 % dhe me notën 10 janë vlerësuar rreth 24 % e maturantëve, si dhe rezultatet e gjuhës shqipe dhe letërsisë ku kalueshmëria është 98.38% dhe me notën 10 janë vlerësuar rreth 5.73% e maturantëve.
