Automjete të blinduara të Policisë së Kosovës janë nisur këtë pasdite në drejtim të pikës kufitare në Jarinjë.
Nuk ka një deklaratë zyrtare të policisë se përse janë shtuar forcat policore në kufi. Megjithatë, raportohet se nga Serbia është nisur një numër i madh i motoristëve. Mediat serbe e cilësojnë si “mision humanitar” për dy familje në Mitrovicë Veriore dhe për të rindërtuar kishën në kodrën mbi Zveçan.
