Juventusi është padyshim ndër klubet më të vëmendshëm gjatë sesionit aktual të merkatos së verës. Sepse Zonja e Vjetër, siç dihet, synon të rikthehet në majat e futbollit italian.
Ëndrra e madhe e klubit bardhezi ishte dhe mbetet vetëm një: Sergej Milinkovic-Savic. Duke u kthyer ndoshta nga sezoni më i mirë i karrierës së tij me fanellën e bardhekaltërve, serbi ka edhe një vit në kontratën me Lazio-n.
Bardhekaltrit u udhëhoqën nga super paraqitjet e ‘Rreshterit’ që i dha Lazio-s vendin e dytë në Serie A. Një objektiv i rëndësishëm, i arritur nga dygolëshi i paharrueshëm në ndeshjen e parafundit në Olimpico përballë tifozëve të tij kundër Cremonese-s, që dukej si një lamtumirë.
Dhe tani Juventusi, që ka muaj që po punon për marrëveshjen, duket se mund ta realizojë ëndrrën. Një bombë e vërtetë merkatoje ka ardhur në lidhje me një shitje të befasishme që do t’i hapte dyert e Vinovos për Milinkovic-Savic.
Mundësia raportohet nga llogaria në Twitter ‘Matthijs_Pog’ e cila raporton fjalët e gazetarit Giovanni Albanese për një lamtumirë të mundshme nga Paul Pogba.
Thirrjet nga Arabia Saudite tashmë janë të njohura për francezin, i cili për momentin ka hedhur poshtë mundësinë e largimit nga Torino. Por thuhet se nëse ish-ylli i United do të pranonte ofertën në rritje nga Arabia, atëherë Milinkovic-Savic do të ishte praktikisht i mbyllur.
Për momentin, megjithatë, francezi kërkon revanshin tek Juventus. Por tani gjithçka do të varet nga Pogba, lamtumira e të cilit me Zonjën e Vjetër është aspak e pamundur.
