Ka mbërritur në aeroportin Nënë Tereza, ish-presidenti amerikan Bill Clinton. Nën masa të rrepta sigurie Clinton dhe delegacioni amerikan po priten me një ceremoni zyrtare nga kryeministri Edi Rama.
Pas ceremonisë, ish-kryeministri amerikan do të transportohet drejt kryeqytetit, ku do të vijojë axhendën e vizitës dy ditore.
Pritet që në momentin që Klinton të niset drejt kryeqytetit do të bëhet dhe bllokimi i qarkullimit të mjeteve në rrugën që lidh aeroportin me kryeqytetit.
Ajo që bie në sy në aeroportin e Rinasit është prania e madhe e efektivëve të policisë si në ambientet e brendshme, por dhe të jashtme.
Në orën 19:00, Clinton do të pritet nga kryeministri Edi Rama në një ceremoni të posaçme zyrtare në Bulevardin “Dëshmorët e Kombit” përballë kryeministrisë, me pjesëmarrjen edhe të qytetarëve.
Pas ekzekutimit të himneve kombëtare të SHBA-së dhe Shqipërisë, Rama dhe Clinton do të bëjnë parakalimin ceremonial dhe do të nderojnë flamujt e dy vendeve.
Në orën 19:05, kryeministri Rama do të mbajë fjalën e rastit dhe më pas do të ftojë presidentin Clinton të marrë çmimin e akorduar.
Ndërsa, në orën 19:25 do të zhvillohet ceremonia e nderimit të presidentit të 42-të të SHBA-ve, Bill Clinton me “Yllin e Mirënjohjes për Arritjet Publike” që do të pasohet nga fjalimi i presidentit.
