Myrto Uzuni mbylli një sezon fantastik me Granadan në LaLiga2. Sulmuesi shqiptar shkëlqeu duke shënuar plot 22 gola në kampionat, rekord personal për të dhe duke fituar çmimin ‘Pichichi’ si golashënuesi më i mirë në kampionat.
Pas disa pushimeve mëse të merituara, Uzuni rikthehet në Granada aty ku kreu vizitat mjekësore përpara nisjes së përgatitjeve për sezonin e ri. Në gusht e pret elita e futbollit spanjoll, aty ku ai bashkë me Granadan do të garojnë mes më të mirëve si Real Madrid, Barcelona e me rradhë.
Pavarsisht interesit mjaft të lartë, beratasi 27-vjeçar pritet të qëndrojë me ngjyrat bardhekuqe dhe vetëm nëse ka ndonjë ‘çmenduri’ të fundit në merkato, atëherë do të shohim Uzunin me një ekip tjetër.
