Presidenti ukrainas Volodymyr Zelensky ka vizituar një ishull të Detit të Zi, që ushtarët ukrainas e mbrojtën në fillim të pushtimit rus.
“Sot jemi në ishullin e gjarpërinjve, i cili nuk do të pushtohet kurrë nga pushtuesit, si gjithë Ukraina, sepse ne jemi vendi i trimave. Dua të falënderoj nga këtu, nga ky vend i fitores, secilin prej ushtarëve tanë për këto 500 ditë.
I jam mirënjohës të gjithëve që luftuan kundër pushtuesve. Ne nderojmë heronjtë që dhanë jetën në këtë betejë, një nga më të rëndësishmet e luftës.
Lavdi kujtdo që lufton për sigurinë në Detin e Zi,” tha Zelensky.
Moska pushtoi ishullin e gjarpërinjve menjëherë pasi filloi pushtimin e saj më 24 shkurt 2022. Ushtarët ukrainas u kapën robër, por më vonë u shkëmbyen me robër rusë.
Anija ruse e përfshirë, Moskva, u mbyt në Detin e Zi në prill pas asaj që Moska tha se ishte një shpërthim në bord. Ukraina tha se kishte goditur anijen luftarake me raketa.
Forcat ukrainase rimorën ishullin në qershor të vitit të kaluar.
