Rreth 13% e kompanive gjermane aktualisht po përdorin inteligjencën artificiale (IA), ndërsa rreth 9% planifikojnë ta bëjnë këtë, sipas një sondazhi nga instituti i kërkimit ekonomik IFO.
Në industri, një në tre kompani po përdor IA ose planifikon ta përdorë atë, ndërsa rreth 20% e kompanive në sektorin e shërbimeve dhe shitjes me pakicë dhe 15% e kompanive të ndërtimit e përdorin atë. Për rreth 40% të kompanive në Gjermani, IA nuk luan asnjë rol për momentin.
Në sektorin e ndërtimit, kjo përqindje është 60%.
Sistemet e bazuara në IA përpunojnë sasi të mëdha të dhënash me ndihmën e algoritmeve në mënyrë që të marrin vendime shpejt me analiza të automatizuara.
Në sondazhin e tij ekonomik në qershor, IFO pyeti rreth 9 000 kompani në emër të institutit ”Hanseatic Blockchain” nëse përdorin IA, planifikojnë ta përdorin atë, po e diskutojnë ose nuk po angazhohen fare me të.
