Duart tregojnë shumë për gjendjen e shëndetit tuaj. Kjo është diçka e njohur të paktën që nga koha e Hipokratit, babai i mjekësisë moderne. Një ndryshim i thonjve që mund të sinjalizojë disa sëmundje. Një ose më shumë thonj që janë gjysmë të bardhë dhe gjysmë kafe të kuqërremtë, tregojnë probleme me shëndetin. Rreth 50% e njerëzve me sëmundje kronike të veshkave kanë thonj të tillë. Por mund të jetë gjithashtu një shenjë e cirrozës së mëlçisë dhe sëmundjes Behcet, një gjendje e rrallë që shkakton inflamacion të enëve të gjakut.
Kur një ose më shumë thonj kanë një pamje prej xhami, mund të jenë gjithashtu një shenjë e cirrozës së mëlçisë, por ato janë më shumë të lidhura me diabetin e tipit 2, dështimin e veshkave dhe HIV-in. Kur në thonjtë tuaj ka një ose më shumë vija horizontale, paralajmëron se keni ulje të proteinës më të bollshme në gjak, albuminës. Këto shenja të thonjve gjithashtu mund të jenë një tregues i sëmundjes së veshkave. Por ndonjëherë ndryshimet në ngjyrën dhe modelin e thonjve nuk janë të këqija, mund të jenë thjesht shenja të plakjes. Thonjtë napolitantë, të quajtur kështu për shkak të tre zonave të tyre të ngjyrave të dallueshme, shihen shpesh tek njerëzit mbi 70 vjeç dhe nuk janë asgjë për t’u shqetësuar.
Pëllëmba e dorës
Thonjtë nuk janë pjesa e vetme e dorës që mund të zbulojë shëndetin e keq. Edhe pëllëmbët mund të paralajmërojnë diçka. Nëse shihni se pëllëmbët tuaja djersiten në mungesë të nervozizmit, temperaturave të nxehta ose stërvitjes, mund të jetë për shkak të sinjaleve nervore të gabuara që shkaktojnë aktivizimin e gjëndrave të djersës. Kjo mund të jetë beninje, në këtë rast quhet hiperhidrozë primare. Pëllëmbët e djersitura të pashpjegueshme, fytyra, qafa dhe sqetullat e djerësitura, mund të jenë shenjë e problemeve të tiroides.
Hipertiroidizmi është vendi ku gjëndra tiroide në qafë prodhon shumë tiroksinë. Teprica e këtij hormoni bën që proceset trupore të përshpejtohen dhe mund të jetë shkaku i djersitjes së pëllëmbëve. Fatmirësisht, kjo gjendje trajtohet lehtësisht me barnat e duhura. Një ndryshim më shqetësues i pëllëmbës është shfaqja e zonave të vogla me ngjyrë të kuqe ose vjollcë. Kjo mund të jetë një shenjë e endokarditit bakterial (inflamacion i rreshtimit të brendshëm të zemrës), i cili ka një shkallë të lartë vdekshmërie.
Këto shenja vijnë në dy forma: nyjet e Oslerit dhe lezionet e Janeëay. Nyjet e Oslerit janë zakonisht nyje të dhimbshme me ngjyrë të kuqe 1mm-10mm në gishta që shfaqen për disa orë në ditë, ndërsa lezionet e Janeëay kanë formë të çrregullt me madhësi të ndryshme dhe zakonisht shihen në pëllëmbë dhe nuk janë të dhimbshme, zgjasin nga disa ditë deri në disa javë. Të dyja këto modele janë shumë serioze dhe duhet kërkuar kujdes urgjent mjekësor.
Kunjat dhe gjilpërat
Nëse ndjeni sikur keni gjilpëra në dorë, mund të jetë një shenjë e sindromës së tunelit karpal. Kjo ndodh kur një nerv i madh (nervi mesatar) në kyçin e dorës është duke u ngjeshur, duke shkaktuar mpirje, ndjesi shpimi gjilpërash ose dhimbje. Zakonisht përmirësohet pa trajtim, por një nyje dore mund të ndihmojë në lehtësimin e presionit mbi nervin. Njerëzit që janë mbipeshë ose shtatzënë janë në rrezik më të madh të sindromës së tunelit karpal.
Kunjat dhe gjilpërat në dorë mund të jenë gjithashtu një shenjë e diabetit. Rritja e sheqerit në gjak në diabet shkakton dëmtime nervore që manifestohen si ndjesi shpimi gjilpërash ose mpirje në ekstremitete, si p.sh. në duar. Kjo gjendje quhet “neuropatia diabetike”. Të gjithë përjetojnë ndjesi shpimi në një moment, por nëse është shpesh e përsëritur, duhet të vizitoni një mjek.
Gjatësia e gishtit
Gjatësia e gishtërinjve tuaj mund të paralajëmrojë disa sëmundje në jetën e mëvonshme. Gjatësia e gishtit tregues kundrejt gishtit të unazës ndryshon tek burrat dhe gratë. Tek gratë, ato janë mjaft të barabarta në gjatësi, por tek burrat, gishti i unazës është zakonisht më i gjatë se gishti tregues. Kjo besohet të jetë për shkak të ekspozimit ndaj hormoneve në mitër.
Kjo lidhet me performancën më të mirë në një sërë sportesh te meshkujt dhe femrat, por edhe me rrezikun e zhvillimit të osteoartritit të gjurit dhe ijeve tek femrat.
Nuk mund të bëni asgjë për të ndryshuar gjatësinë e gishtit tuaj, por ju mund të ndihmoni në parandalimin e osteoartritit, duke mbajtur një peshë të shëndetshme, duke qëndruar aktiv dhe duke kontrolluar nivelet e sheqerit në gjak. Në fakt, nëse i përmbaheni kësaj këshille, mund të shmangni shumicën e sëmundjeve.
