Prokuroria Publike për Krimin e Organizuar në Serbi ka konfirmuar për gazetën “Danas” se ka pranuar kërkesë për të dëgjuar presidentin e Serbisë, Aleksandër Vuçiç, për rastin e të rinjve të vrarë në kafenenë “Panda” në Pejë në vitin 1998, por se vendimi – kur të merret – së pari do t’i njoftohet avokatit të të dëmtuarve.
“Prokuroria do të vendosë për kërkesën e dorëzuar nga avokati Ivan Niniç në emër të prindërve të të rinjve të vrarë më 10 gusht”, thuhet në deklaratë.
Niniç ka shpjeguar për gazetën “Danas” se familjet vazhdimisht kanë paraqitur kërkesë që Vuçiçi të dëgjohet si dëshmitar, por deri më tani nuk kanë marrë asnjë përgjigje nga prokuroria.
Prindërit e gjashtë të rinjve të vrarë, e tre të plagosurve, kërkuan dëshminë e Vuçiçit për shkak të deklaratave të tij nga viti 2013, kur ai ishte shef i Byrosë për Koordinimin e Shërbimeve të Sigurisë, “duke pretenduar se krimi nuk ishte kryer nga shqiptarët dhe se ai pothuajse e di se çfarë ndodhi atë natë fatale në kafene”.
