Një këmbësor është përplasur nga një makinë tip “Ford” në afërsi të fshatit Kote në Vlorë paraditen e sotme.
48-vjeçari i aksidentuar është dërguar në spital dhe ndodhet jashtë rrezikut për jetën.
“Rreth orës 10:15, në aksin rrugor Vlorë – Kotë, automjeti tip “Ford”, me drejtues shtetasin E. Z., 44 vjeç, banues në Tiranë, ka aksidentuar shtetasin J. D., 48 vjeç, këmbësor. 48-vjeçari është dërguar për mjekim në Spitalin Rajonal Vlorë dhe ndodhet jashtë rrezikut për jetën”, njofton policia.
Me drejtuesin e automjetit po kryhen veprimet procedurale. Grupi hetimor po punon për sqarimin e rrethanave të aksidentit.
