Policia ka asgjësuar me anë të djegies 115 bimë narkotike në Vaun e Dejës. Në pranga ka rënë 38-vjeçari F. G., 38 vjeç dhe nisi procedimi në gjendje të lirë për bashkëshorten e tij, D. G., 34 vjeçe, banues në Shkodër.
Policia thotë se gjatë operacionit të koduar ‘Sized’ në territorin e fshatit Qerret, policia gjeti dhe asgjësoi me anë të djegies, 115 bimë të dyshuara narkotike cannabis sativa.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme, për veprën penale “Kultivimi i bimëve narkotike”.
