Presidenti amerikan Joe Biden mbajti një fjalim në Asamblesë e Përgjithshme të OKB-së.
“Unë e kuptoj detyrën që vendi im duhet të udhëheqë në këtë moment kritik. Shtetet e Bashkuara kërkojnë një botë më të sigurt, më të begatë, më të barabartë për të gjithë njerëzit, sepse ne e dimë se e ardhmja jonë është e lidhur me tuajën. Dhe asnjë komb nuk mund të përballojë sfidat e sotme i vetëm.”, u thotë Biden liderëve botërorë të mbledhur në Asamble.
Biden po ashtu paralajmëroi për rreziqet e inteligjencës artificiale. Ai thotë se inteligjenca artificiale e OKB-së duhet të jetë “e sigurt” përpara se të publikohet. Presidenti i SHBA-ve shprehet se qeveritë duhet të qeverisin këtë teknologji, jo anasjelltas.
“Ne duhet të jemi të sigurt që t’i përdorim këto mjete si mundësi dhe jo si armë shtypjeje.”, thotë ai. Udhëheqësit e teknologjisë javën e kaluar, përfshirë Elon Musk dhe Mark Zuckerberg, u takuan me Kongresin për të biseduar rreth rregulloreve të teknologjisë.
Mesazhet e forta të Joe Biden në Asamblenë e OKB-së!
Po ashtu Biden ndaloi edhe te çështja që është akoma edhe më e rëndësishme, si ajo e ndryshimeve të klimës. Biden thotë se SHBA-ja po e trajton ndryshimin e klimës si një “kërcënim ekzistencial”.
Duke renditur fatkeqësitë natyrore që kanë ndodhur së fundmi, valët e të nxehtit në SHBA dhe Kinë, zjarret në SHBA dhe Evropë, thatësira në Afrikë dhe përmbytjet në Libi, Biden thotë se këto së bashku tregojnë se çfarë e pret botën nëse nuk reduktohet varësia nga lëndët djegëse fosile.
“Që nga dita e parë e administratës sime, Shtetet e Bashkuara e kanë trajtuar këtë krizë si kërcënim ekzistencial që është, jo vetëm për ne, por për të gjithë njerëzimin.”, thotë Biden, përcjell dritare.net
Një mesazh i rëndësishëm nga Biden, iu drejtua vendeve të OKB-së. Ai u kërkoi të gjitha vendeve që të qëndrojnë së bashku kundër Rusisë. Sovraniteti dhe të drejtat e njeriut janë parimet kryesore të kartës së OKB-së, thotë Biden, dhe OKB-ja duhet t’i rezistojë “agresionit të zhveshur” të Rusisë.
Për të dytin vit radhazi, thotë ai, ky tubim errësohet nga hija e luftës, të cilën e solli Rusia pa provokim.
“Rusia beson se bota do të lodhet dhe do ta lejojë atë të brutalizojë Ukrainën pa pasoja. Por unë ju pyes: nëse braktisim parimet thelbësore të kartës së OKB-së për të qetësuar një agresor, a mundet ndonjë shtet anëtar të ndihet i sigurt se është i mbrojtur? Nëse lejojmë që Ukraina të skalitet, a është e sigurt pavarësia e ndonjë kombi?”
Biden thotë jo.
“Kjo është arsyeja pse Shtetet e Bashkuara së bashku me aleatët dhe partnerët tanë në mbarë botën do të vazhdojnë të qëndrojnë me popullin e guximshëm të Ukrainës ndërsa mbrojnë sovranitetin dhe integritetin e tyre territorial dhe lirinë e tyre.”, tha zoti Biden.
