Analisti Kreshnik Spahiu është shprehur se ajo që ka ndodh në PD është e paprecedentë, gjë që sipas tij nuk ka ndodhur as në Europë dhe as në Afrikë.
Në një intervistë për emisionin “Now” në Euronews Albania, Spahiu theksoi se PD ose ka bërë lojë ose çdo gjë ka rënë.
“Kjo që ka ndodhur në PD është e paprecedentë, nuk ka ndodhur as në Europë dhe as në Afrikë që të rrihen me shkopa bejsbolli. Janë dy gjëra, këta ose kanë bërë lojë ose ka rënë çdo gjë. Bardhi nuk ngre dot një parti të re politike, nuk po krijon as Berisha një parti të re politike, dhe të gjithë janë me kauza më vete”- tha Spahiu.
