Presidenti Bajram Begaj ka reaguar pas tërmetit tragjik në Marok, i cili i ka marrë jetën 632 personave deri më tani.
Kreu i Shtetit i shprehu ngushëllimet familjeve të prekura nga kjo tragjedi.
“Zemërthyer nga tërmeti i tmerrshëm që goditi Marokun.
Ne qëndrojmë me popullin e Marokut dhe u dërgojmë ngushëllimet tona të sinqerta familjeve të prekura nga kjo tragjedi”, shkroi Presidenti Begaj në “X”.
Detaje nga tërmeti tragjik
Fillimisht u raportua për 296 viktima, por shifra u rrit në 632 të vdekur.
Sipas Reuters, numri i personave të plagosur deri më tani raportohet 329 të lënduar.
Tërmeti i fuqishëm e kishte epiqendrën në malet e Atlasit të Marokut pak para mesnatës së të premtes.
Tërmeti 6.8 ballë shkatërroi ndërtesat dhe duke i detyruar banorët e qyteteve të mëdha të largohen nga shtëpitë e tyre, njoftoi televizioni shtetëror.
Një zyrtar lokal tha më herët se shumica e vdekjeve ishin në zonat malore që ishin të vështira për t’u arritur.
Banorët e Marrakesh, qyteti i madh më i afërt me epiqendrën, thanë se disa ndërtesa ishin shembur në qytetin e vjetër, një vend i Trashëgimisë Botërore të UNESCO-s.
