Tre gola spektakolarë dhe dy asist në gjashtë ndeshjet kualifikuese të Shqipërisë. Dy herë fitues i çmimit goli më i bukur nga UEFA. Këto janë statistikat e yllit të kombëtares Jasir Asani. Ëndërra e Asanit është që të luajë në Serie A italiane, një dëshirë që mund të realizohet në merkaton e janarit.
Më kërkojnë në Itali, Gjermani, Arabi dhe Spanjë. Në janar do të transferohem te një nga këto liga. Si çdo shqiptar, jam i fiksuar pas Serie A. Në Shqipëri, përveç klubit tonë të zemrës, të gjithë mbështesin një skuadër italiane”, tha Asani. Asani foli edhe për mbështetjen e tifozëve fantastikë të Kombëtares.
“Jam i bindur se nëse në Tiranë do të kishim një stadium si “Camp Nou”, shqiptarët do ta mbushnin plot. Jemi të çmendur për futboll”. Aktualisht, 28-vjeçari luan te Guan-gju, por me ofertat nga ligat më prestigjioze, aventura në Korenë e Jugut pritet të përfundojë pas pak javëve.
